Dil öyrənmək üçün ilk öncə nədən başlamalı?

Dil Öyrənmək

Tək ingilis dilində deyil , bütün dilləri öyrənərkən nədən başlayacağımızı bilmirik  və  bilmədən başlatdığımız təhsil bizə müsbət təsir bağışlamır. “ Bunun üçün nə etməliyik , ilk öncə nədən başlamalıyıq ? ” deyirsinizsə ,  bu bloq sizlər üçündür...

1.HƏQİQƏTƏN EHTİYACINIZ OLAN ŞEYLƏRLƏ BAŞLAYIN.

Əgər özünüzə bu dili niyə öyrənmək istədiyinizə dair səbəbləri davamlı olaraq xatırladarsınızsa, ingilis dilini daha tez öyrənəcəksiniz. Xaricdə oxumaqmı istəyirsiniz? O halda oxuduğunuz sahə ilə əlaqədar sözləri oxumağa hədəflənin. Təhsilinizə bir il ara verib xaricəmi getmək istəyirsiniz? Bu vəziyyətdə turizm ilə əlaqəli sözlərə hədəflənməlisiniz. İnsanların əksəriyyəti qısa müddət ərzində ingilis dilini öyrənmək istəyir, lakin düzgün metodika ve vəsaitlərdən istifadə etmir. İngilis dilində ən önəmlisi öyrəndiklərinizi praktika etməkdən başlayır. Çalışdığınız qədər  dialoqlar qurun,  suallar verin, özünüzün maraq dairəsində olan hərşeyi ingilis dilinə çevirin beləcə həm bu dili daha çox sevmiş , həm də maraq dairənizdə olan hərşeyi ingilis dilində bilmiş olacaqsınız .

2.Sadə qrammatika

İngilis dili qrammatikası dedikdə, əslində bir çox mövzunu əhatə edən bir başlıqdan bəhs edirik. İngilis dilinin qrammatika mövzuları, dilin necə istifadə edildiyi, cümlə və söz quruluşları kimi əsas və əvəzolunmaz qrammatika qaydaları deməkdir. İlk başlarda qrammatika sizə sıxıcı və çətin gələ bilər, ancaq bunu da vurğulamalıyıq ki qrammatikanı düzgün şəkildə bilməsək, biz ingilis dilində də cümlələr qurmağa çətinlik çəkəcək və səlis danışa bilməyəcəyik. ilk başlarda isə sadə qrammatika ilə başlamağı və öyrəndiyiniz qrammatik qaydaları danışaraq praktika etməyinizi tövsiyyə edirəm

Ən vacib İngilis dili Qrammatika Mövzuları hansılardır?

Nouns, Pronouns  (İsim, Əvəzlik)

Adjectives & Adverbs (Sifətlər və Zərflər)

Phrasal verbs  (İfadəli Fellər)

 Tenses  (Zamanlar)

Modal verbs  (Modal Feller)

3. Bilmədiyiniz bütün sözləri dəftərinizdə qeyd edin.

 Yuxarıda da qeyd etdiyim kimi , sizə maraqlı olan və ya gündəlik istifadə etdiyiniz sözləri ingilis dilinə çevirin və bunları öz ingilis dili dəftərinizə yazın.  Dinlədiyiniz mahnılardan, oxuduğunuz mətnlərdən bilmədiyiniz bütün sözləri qeyd edin və gün ərzində təkrar etməyə çalışın. Əzbərləməyin! Çünki bizim doğru bildiyimiz yanlışlardan ən birincisidir. Bununla sizin bütün motivasiyanız düşür və gün keçdikcə tənbəlləşməyə başlayırsınız və nəticədə başladığınız işi yarımçıq qoyursunuz. Bunu kim istəyər ki?! Heçkim. Özünüzə istədiyiniz qədər gündəlik söz limiti qoyun və gün ərzində ən az 3 dəfə təkrar edin. Dəftərinizə hər yeni söz əlavə etdikcə, keçmiş sözlərlə birlikdə təkrar edin.  Zamanla siz özünüzü əzbərləməyə məcbur etmədən, nə qədər yeni söz öyrənmiş olduğunuzun şahidi olacaqsınız.

4.   Özünüzə vaxt qoyun

Özünüzə vaxt qoymağı bacarın. Bu vaxtı siz  saatlara, günlərə, həftələrə və ya aylara belə bölə bilərsiniz. Necə ?

Məsələn siz hərgün ən azı 1 saat ingilis dili ilə məşğul olmağı özünüzə  vaxt qoyu  və bu sizin dəyişilməz vərdişiniz olsun. Əgər siz ingilis dilini günlərə bölmək istəyirsinizsə 1 gün listening, digər gün reading, digər gün speaking ve s kimi bölə bilərsiniz

5.   SƏHV ETMƏKDƏN QORXMAYIN

Bu ən önəmli addımlardan biridir. çünki dil öyrənməyin ən sadə yolu bol-bol səhv etməkdir. Əgər başqa biri ilə danışarkən, yazışarkən səhv edirsinizsə, təbii olaraq sizə bunun doğrusunu öyrətmək istəyəcək. Öz-özünüzə səhv etsəniz də doğrusu ilə qarşılaşdığınız zaman şüuraltınız sizi doğrusuna yönləndirəcək, çünki səhvi bəlkə bir dəfə edəcəksiniz amma doğrular bir çox yerdə qarşınıza çıxacaq. Şüuraltı isə hər zaman çoxluğun tərəfindədir.

6.   Tələffüz məşqləri edin

Yeni bir dil öyrənərkən etməli olduğunuz ilk şeylərdən biri də tələffüzü öyrənməkdir, çünki sonradan düzəltməyə çalışmaqdansa, onu əvvəlcə öyrənmək daha asandır. Tələffüzünüzü inkişaf etdirmək üçün ən effektiv məşqlərdən biri səsinizi qeyd etməkdir. Bəlkə də qəribə səslənə bilər, amma bu, zəif tərəfinizi aşkarlamağa kömək edəcək. Cümlələrinizdə intonasiya, ritm və vurğudan necə istifadə etdiyinizi diqqətlə dinləyin.və inanın ki, bu sizə gələcəkdə çox kömək olacaq.

Ümid varığ ki bu bloqda yazılanlardan lazımlı şəkildə faydalandınız. Sadəcə oxumağ ilə yetinməyin elə indi bunları tədbiq etməyə başlayın. Unutmayın bu gün çətinlik var sabah nəticə...