İngilis dilində söz bazasını necə inkişaf etdirmək olar?

İngilis dilində Söz bazasını artırmaq üçün ən rahat üsullar.

İngilis dilini öyrənmək istəyənlərin bu prosesdə ən çox rastlaşdığı çətinliklərdən biri də söz bazasını artırmaqdır. Bu zaman sual yaranır ki, "hansı üsullarla söz bazamızı inkişaf etdirə bilərik?"

Əvvəlcə, özümüz üçün sözləri qeyd edəcəyimiz bir dəftər götürək. Gündəlik rast gəldiyimiz sözləri bu dəftərə qeyd edəcəyik. Növbəti addımda sözləri “haradan və necə öyrənə bilərik”, bu haqda məlumat veriləcək.

Söz bazamı necə inkişaf etdirim?

Serial və Filmlər

Sizin üçün maraqlı olan serial və ya filmləri ingilis dilində alt yazı ilə izləyərək, bilmədiyiniz sözləri qeyd edin. Daha sonra, həmin sozlərin tərcümələrini onlayn lüğətlər vasitəsilə axtarıb, öyrənə bilərsiniz.

Mahnılar

Bəli, siz mahnı dinləyərək həm “Listening” bacarığınızı inkişaf etdirmiş olursunuz, həm də kifayət qədər söz öyrənmiş olursunuz. Bunun üçün YouTube-da istədiyiniz mahnını axtarmağınız kifayətdir.

Məqalə və Kitablar

İnternetdə istədiyiniz mövzuya aid məqalalər, səviyyənizə uyğun hekayə kitablarını oxuyaraq, yeni sözlər tapıb, öyrənə bilərsiniz. Ümumiyyətlə, oxumaq üçün hər hansı bir vəsaitə ehtiyacınız yoxdur. Sadəcə sizi maraqlandıran mövzular haqqında araşdırma edərək də, kifayət qədər söz bazanızı artıra bilərsiniz.

Yeni sözlər öyrənə biləcəyimiz mənbələr haqqında kifayət qədər danışdıq, indi isə bu sözləri öyrənmək üçün səmərəli üsullardan bir neçəsini qeyd edək.

Öyrənmək istədiyiniz sözləri kartlara yazıb, asanlıqla yadda saxlaya bilərsiniz. Kartın bir üzünə sözün özünü, digər üzünə isə tərcüməsini yaza bilərsiniz. Əgər deyirsinizsə, “mənə daha az vaxtımı alacaq bir yol lazımdır” o zaman Quizlet proqramından istifadə edə bilərsiniz.

Söz bazası üçün faydalı proqramlar

Digər tərəfdən, bir çox proqramlar vasitəsilə də qısa müddət ərzində daha çox söz öyrənə bilərsiniz. Məsələn, Duolingo, WordUp Vocabulary, Busuu rahatlıqla istifadə edə biləcəyiniz proqramlardandır.